ஊட்டச்சத்தின் முக்கிய பங்கு மற்றும் ஆரோக்கியமான உணவு பழக்கத்தை வளர்ப்பதன் முக்கியத்தும் குறித்து மக்களிடையே விழிப்புணர்வு ஏற்படுத்த ஒவ்வொரு ஆண்டும் செப்டம்பர் 1-7 ஆம் தேதி வரை தேசிய ஊட்டச்சத்து வாரம் கொண்டாடப்படுகிறது. பெண்களுக்கு வேண்டிய அத்தியாவசியமான ஊட்டச்சத்துக்கள் என்ன என்பதை இந்த பதிவில் பார்க்கலாம்.
ஆரோக்கியமான வாழ்க்கை முறைக்கு ஊட்டச்சத்து மிக முக்கியமானது. அனைத்து வயதினருக்கும் ஊட்டச்சத்து அவசியம் தேவை என்றாலும் பெண்கள் தங்கள் ஆரோக்கியத்தில் கூடுதல் கவனம் செலுத்த வேண்டும். ஏனெனில் பெண்களின் ஆரோக்கியத்தில் அவர்களது குழந்தைகளின் ஆரோக்கியமும் அடங்கியுள்ளது.
ஊட்டச்சத்து குறைபாடு கொண்டுள்ள பெண்களின் குழந்தைகள் அறிவாற்றல் குறைபாடுகள், வளர்ச்சி குறைபாடுகள், நோய்த்தொற்றுகளுக்கு எதிர்ப்பு குறைதல் போன்ற அபாயத்தை கொண்டிருக்கலாம். இதை தடுக்க பெண்கள் தனித்துவமான ஊட்டச்சத்துக்களில் கவனம் செலுத்த வேண்டும். உங்களுக்கு உதவக்கூடிய ஊட்டச்சத்துக்கள் என்ன என்பதை பார்க்கலாம்.
பெண்களுக்கு தினசரி 400 மைக்ரோகிராம்கள் அளவு இவை தேவை. உடலில் புதிய செல்களை உருவாக்க இவை தேவை. கர்ப்ப காலத்தில் ஃபோலிக் அமிலம் குழந்தையின் மூளை மற்றும் முதுகுத்தண்டில் உருவாகும் நரம்புக்குழாயை உருவாக்க உதவுகிறது
மகப்பேறுக்கு முந்தைய வைட்டமின்களில் ஃபோலிக் அமிலமானது மூளை அல்லது முதுகுத்தண்டு குறைபாடுள்ள குழந்தை பிறக்கும் அபாயத்தை குறைக்க செய்கிறது. இது இரத்த சிவப்பணுக்கள் உருவாக்கத்துக்கும் அவசியமான ஒன்று. இந்த வைட்டமின் பி குழுமம் ஆற்றல் மற்றும் செல் வளர்ச்சிக்கு முக்கியமானவை.
பி-1 (தயமின்) செறிவூட்டப்பட்ட தானியங்கள், பன்றி இறைச்சி, மீன், பீன்ஸ், பட்டாணி மற்றும் சூரியகாந்தி விதைகளில் உள்ளது.
பி – 2 (ரிபோஃப்ளேவின்) இது முட்டை, உறுப்பு இறைச்சிகள், காலை உணவு தானியங்கள் மற்றும் பால் உணவுகளில் உள்ளது.
பி-3 (நியாசின்) கோழி, மாட்டிறைச்சி மற்றும் மீன் ஆகியவற்றிலிருந்து இதை பெறலாம்.
பி -6 (பைரிடாக்சின்) அசைவம் எனில் மாட்டிறைச்சி, மீன், செறிவூட்டப்பட்ட தானியங்கள் மற்றும் கொண்டைக்கடலை ஆகியவற்றிலிருந்து பெறலாம்.
பி-7 (பயோட்டின்) : இது மாட்டிறைச்சி, மீன், முட்டை, வெண்ணெய், இனிப்பு உருளைக்கிழங்கு மற்றும் கொட்டைகள்.
தினசரி அளவில் வைட்டமின் டி ஆனது 600 சர்வதேச அலகுகள் தேவை. நம்பத்தகுந்த ஆதாரத்தின் படி 78% பெண்களின் குழந்தை பிறக்கும் ஆண்டுகளில் வைட்டமின் டி குறைவாகவே உள்ளது. சன்ஸ்க்ரீன் பயன்பாடு, வெயில் படாமல் இருப்பது, குளிர் பிரதேசங்களில் வசிக்கும் பெண்களுக்கு வைட்டமின் டி குறைபாடு அதிகமாக இருக்கலாம். வைட்டமின் டி ஆரோக்கியமான எலும்புகளை மேம்படுத்தும் கால்சியத்துக்கு துணையாக தேவை.
வைட்டமின் டி ஆனது செல் வளர்ச்சி நோய் எதிர்ப்பு செயல்பாடு மற்றும் உடலில் வீக்கத்தை குறைக்கும். அதே நேரம் வைட்டமின் டி அதிகம் பெறக்கூடாது. இது கால்சியம் அளாவை உயர்த்தலாம். இதயம், சிறுநீரகங்கள் சேதப்படுத்தலாம்.
வைட்டமின் டி நிறைந்த உணவுகள் சால்மன், டுனா மற்றும் கானாங்கெளுத்தி போன்ற கொழுப்பு நிறைந்த மீன்கள், வலுவூட்டப்பட்ட பால், சீஸ் மற்றும் முட்டையின் மஞ்சள் கரு போன்றவற்றில் வைட்டமின் டி உள்ளது. பால் மற்றும் பால் பொருள்கள், பாலாடைக்கட்டி போன்ற பால் உணவுகளில் இருந்தும் வருகிறது. எனினும் இயற்கையாக சூரிய ஒளியில் நேரடியாக உடல் படும் போது உடல் வைட்டமின் டி தயாரித்து கொள்கிறது.
தினசரி 18 mg தேவைப்படுகிறது. பெண்களின் வயது பொறுத்து இவை மாறுபடும். இது உடலுக்கு வேண்டிய அத்தியாவசிய ஊட்டச்சத்து. இதன் வளர்ச்சி உங்கள் திசுக்களுக்கு ஆக்ஸிஜனை கடத்துகிறது. சில ஹார்மோன்களை உருவாக்குகிறது. மாதவிடாய் உதிரம் அதிகமாக இருக்கும் இளம் பெண்களுக்கு உடலில் இரும்புச்சத்து அளவாக இருக்கும். இவர்களுக்கு உணவு முறையிலும் குறைவாகவே சென்றடைகிறது.
இரும்புச்சத்து குறைபடு இரத்த சோகை உண்டு செய்யலாம். இது உடல் முழுவதும் ஆக்ஸிஜனை கொண்டு செல்ல் போதுமான ஆரோக்கியமான சிவப்பு அணுக்கள் இல்லாத போது உண்டாகும் நிலை. எனினும் அதிகப்படியான இரும்புச்சத்து குமட்டல், வயிற்று வலி, வாந்தி உண்டாகலாம்.
இரும்புச்சத்து உணவுகள்
மெலிந்த இறைச்சி, கடல் உணவு, கொட்டைகள், பீன்ஸ், காய்கற்சிகள் மற்றும் தானியங்களில் இவை உள்ளது.
NEWS EDITOR : RP
