தமிழகத்தில் தக்காளியின் விலை உயர்ந்து இருக்கிறது. ஆந்திரா, கர்நாடக மாநிலத்தில் இருந்து தக்காளியின் வரத்து குறைந்ததால் இந்த விலை உயர்வுக்கு காரணம் என்று கூறப்படுகிறது. இந்த நிலையில் கோவையில் தக்காளி கிலோ ரூ.110 முதல் ரூ.120 வரை விற்பனை செய்யப்பட்டது.
ஆனால் நேற்று அதன் விலை கிடுகிடுவென உயர்ந்து ரூ.135 ஆக விற்பனையானது. கோவை-மேட்டுப்பாளையம் சாலையில் உள்ள எம்.ஜி.ஆர். மொத்த மார்க்கெட்டுக்கு தக்காளியின் வரத்து குறைவாகவே இருந்தது. இதன் காரணமாக தக்காளி மொத்த விலையே கிலோ ரூ.100 முதல் ரூ.110 வரை விற்பனையானது. இதனால் சில்லரை விற்பனையும் அதிகரித்து உள்ளது.
மளிகை கடைகளில் ரூ.130 முதல் ரூ.135 வரை விற்பனை செய்யப்படுகிறது. தக்காளி விற்பனைதான் விலை உயர்ந்து இருக்கிறது என்றாலும், பிற காய்கறிகளின் விலையும் உயர்ந்து இருக்கிறது. இதனால் பொதுமக்கள் அதிர்ச்சி அடைந்து உள்ளனர். குறிப்பாக பீன்ஸ், கேரட் விலையும் அதிகரித்தது.
கத்தரி கிலோ ரூ.90, பீன்ஸ் ரூ.120, கேரட் ரூ.100 என்று விற்பனையானது. காய்கறிகளின் தேவைக்கு ஏற்ப அதன் வரத்து இல்லை. ஒருவாரத்தில் இந்த விலை உயர்வு சரியாகிவிடும். இவ்வாறு அவர்கள் கூறினார்கள்.
NEWS EDITOR : RP
