பஹத்பாசில் நடிப்பில் பவன் குமாரின் இயக்கத்தில் நேற்று ’Dhoomam’ திரைப்படம் திரைக்கு வந்துள்ளது. சைக்காலஜிக்கல் திரில்லர் வகையை சேர்ந்த இந்த திரைப்படத்தின் கதை பகத் பாசிலை சுற்றி பின்னப்பட்டுள்ளது. நினைவை இழக்கும் நபரின் கடந்த கால நினைவுகளை மையப்படுத்தி கதை நகர்கிறது. இதே கதையம்சத்தில் ஏ.ஆர்.முருகதாஸ் இயக்கத்தில் 2005 ஆம் ஆண்டு சூர்யா நடிப்பில் கஜினி திரைப்படம் வெளியாகி பெரும் வெற்றி பெற்றிருந்தது குறிப்பிடத்தக்கது.
’Dhoomam’ திரைப்படத்தில் ரோஷன் மேத்யூ, அபர்ணா பாலமுரளி உள்ளிட்ட பலர் நடித்துள்ளனர். யாஷ் நடித்து பிரமாண்ட வெற்றியை பெற்ற கே.ஜி.எப் திரைப்படத்தை தயாரித்த நிறுவனம் இத்திரைப்படத்தை தயாரித்துள்ளது. பஹத் பாசில் தனது நடிப்பு மூலம் தனக்கென ரசிகர் பட்டாளத்தை கேரளா மட்டுமல்லாது தமிழகம் உள்பட பல மாநிலங்களில் ஈர்த்து வைத்துள்ளார்.
இந்நிலையில், திரைப்படம் குறித்த ரியாக்சன்கள் குவிய தொடங்கியுள்ளன. குறிப்பாக பகத் பாசிலின் நடிப்பு குறித்து பாராட்டுகள் குவிகிறது. திரில்லர் ஜானர் வகை படங்களுக்கான ரசிகர்கள் தவரவிடக்கூடாத படம் ’Dhoomam’என ரசிகர்கள் பாராட்டி வருகின்றனர். பல்வேறு தரப்பினர் திரப்படம் குறித்த தங்கள் கருத்துகளை பதிவிட்டு வரும் நிலையில், ஒரு ரசிகர் கதையின் நாயகி அபர்ணா பாலமுரளி தவறான தேர்வு எனக் குறிப்பிட்டிருக்கிறார்.
NEWS EDITOR : RP
